I Ysgolion

Beth yw PISA?

Y Rhaglen Ryngwladol Asesu Myfyrwyr (PISA) yw'r astudiaeth ryngwladol fwyaf yn y byd o systemau addysg ac fe'i datblygwyd gan y Sefydliad ar gyfer Cydweithrediad a Datblygiad Economaidd (OECD). Bob tair blynedd, mae PISA yn profi disgyblion 15 oed o bob cwr o'r byd mewn gwyddoniaeth, mathemateg a darllen. Drwy gymryd rhan yn PISA25, mae eich ysgol yn cyfrannu at wella addysg yn y DU a thu hwnt. Gellir cael rhagor o wybodaeth ar wefan yr OECD ar gyfer PISA.

Beth yw Prawf Maes PISA?

Caiff astudiaeth PISA ei chynnal mewn dau gam, sef prawf maes a phrif astudiaeth, a chaiff ysgolion gwahanol eu dewis ar gyfer pob cam. Mae'r prawf maes (Mawrth 2024) yn cynnwys sampl lai o ysgolion a disgyblion na'r brif astudiaeth (Hydref 2025). Mae'r prawf maes yn helpu i sicrhau bod asesiadau, holiaduron a phrosesau PISA 2025 yn gweithio cystal â phosibl cyn cynnal y brif astudiaeth – felly mae'n rhan bwysig a dylanwadol iawn o'r astudiaeth, ac rydym yn gwerthfawrogi eich cyfraniad yn fawr.

Beth sydd angen i ni ei wneud?

Mae asesiad PISA yn cynnwys:

Asesiad ar sgrin i ddisgyblion

Yn asesu cymhwysedd mewn gwyddoniaeth, darllen a mathemateg.

Holiadur cefndir i ddisgyblion

Yn holi am eu nodweddion, eu hysgol a'u profiadau dysgu.

Holiadur i ysgolion i'r penaethiaid

Yn holi am gyd-destun eu hysgol, y staff a'r disgyblion.

Nid oes angen i ddisgyblion baratoi na gwneud unrhyw waith ymlaen llaw er mwyn gallu cwblhau'r asesiad.

"Roedd proses PISA yn ddiddorol ac yn syml i ddisgyblion ei chwblhau. Roedd y staff, y disgyblion a'r rhieni yn fwy na pharod i gefnogi PISA a'r gwaith pwysig y mae'r rhaglen yn ei wneud yn y sector addysg." - Ysgol a gymerodd ran ym Mhrawf Maes PISA 2024.

I gael rhagor o wybodaeth am y ffordd y caiff PISA ei chynnal yn eich ysgol, cliciwch yma

Beth yw manteision PISA?

Mae cymryd rhan yn PISA yn cynnig amrywiaeth o fanteision i ysgolion, i ddisgyblion ac i addysg yn y DU. Byddwch yn gwneud y canlynol:

• Cyfrannu at astudiaeth sy'n ein helpu i ddeall ein system addysg yn well

• Rhoi profiad i ddisgyblion o gynrychioli eu gwlad mewn astudiaeth ryngwladol a chynnig y cyfle iddynt ymarfer y sgiliau sy'n gysylltiedig ag asesiadau allanol mewn asesiad ar-lein diddorol ac arloesol ‘risg isel’.

Er mwyn diolch i chi am roi o'ch amser, byddwch yn cael tâl gweinyddu yn uniongyrchol i'ch ysgol.